Komisiyo ya Politiki n’Imiyoborere muri Sena yasuye Ibitaro bya Remera-Rukoma

Itsinda rya Komisiyo ya Sena ya Politiki n’Imiyoborere riyobowe na Senateri Gasana Alfred ryasuye ibitaro bya Remera-Rukoma mu rwego rwo kugenzura ibikorwa mu guteza imbere serivisi z’ubufasha mu by’amategeko muri ‘Isange One Stop Center’ y’ibitaro.Basobanuriwe imikorere yayo banakorana inama na bamwe mu bakozi b’ibitaro hari na bamwe mu bakozi b’Akarere,ukuriye RIB mu Karere(DCI) n'izindi nzego hagamijwe kureba ishusho ya Isange One Stop Center,imikoranire yayo n’izindi nzego,imbogamizi zayo n’ibyifuzo.Hagaragajwe ko imibare y’abacyirwa bahohotewe igenda yiyongera, abana bahishira ibyaha bakorerwa n’ababyeyi n'abana bacyirwa batanditse mu irangamimerere.